Transforming  Pune  With E- Waste Management

नमस्कार 

विषय : मासिक पाळी व्यवस्थापन विषयावरील कॉमिक बुकचे चित्रण (Illustration) करणेबाबत.  

किशोरवयातील मुलींना, मुलांना तसेच पालकांना मासिक पाळी म्हणजे काय हे सहज समजेल तसेच मासिक 

पाळीविषयीची आवश्यक असणारी प्राथमिक माहिती मिळेल या उद्देशाने ४० पाणी कॉमिक बुक बनवायचे आहेत. 

किशोरवयीन मुलगी, बाबा, मोठी बहीण आणि लहान भाऊ ही यातील प्रमुख पात्र असतील ज्यांच्या संवादाच्या 

माध्यमातून हा पूर्ण विषय मांडला जाईल. पाळीविषयी असणारा संकोच, अंधश्रद्धा, लिंगाधारित असमानता 

या विषयांवर कलात्मक आणि बोलक्या दृश्यातून प्रकाश टाकणे अपेक्षित आहे.  

1.आपले कौशल्य लक्षात यावे यासाठी खालील संवादावर १/२ पानांमध्ये चित्र बनवून द्यावीत. 

2. आपला प्रत्येकी पेजचा दर देखील कळवावा.  

बाबा: गुड मॉर्निंग बेटा, अजून झोपून? आज शाळेत नाही जायचं वाटतं? 

मुलगी: बाबा माझ्या पोटात दुखतंय  

बाबा: खरं खरं की खोटं खोटं? 

मुलगी: खरंच रे बाबा. आणि रक्तासारखी लाल सु सु पण झाली सकाळी.  

बाबा: ओह, तो ये बात है! चालेल आज शाळेत नको जाऊ. 

मुलगी: खरंच?  

बाबा: हो खरंच, मस्त मी तुझ्यासाठी गरमागरम नाश्ता बनवतो आणि मग आपण गप्पा मारूया ! 

 

बाबा(नाश्ता करत): आता तुझा एका छोट्या मुलीपासून युवती होण्याचा प्रवास सुरु होतोय, याला किशोरावस्था 

म्हणतात.  

मुलगी: पण याचा सु सु रक्तासारखी लाल होण्याचा काय संबंध बाबा? 

बाबा: अगं ती सु सु नव्हती आणि ते सु सु च्या जागेतून येत नव्हतं. सु च्या जागेशेजारी आणखी एक छिद्र असतं, 

ज्याला योनी म्हणतात तिथून हे मासिक पाळीतील रक्त बाहेर येत असतं.  

मुलगी: रक्त? आणि मासिक पाळी म्हणजे?  

बाबा: घाबरू नकोस. या वयात सर्वच मुलींच्या शरीरात हे घडत असतं. किशोरवयात मुलींच्या शरीरात अनेक 

बदल होत असतात. जसं की उंची वाढायला लागते. कंबर रुंद होते. छातीला गोलाई येऊन स्तन विकसित व्हायला 

लागतात. काघेत आणि योनीभोवती केस यायला लागतात. तसंच मासिक पाळी यायला ही सुरुवात होते. मासिक 

पाळी म्हणजे आईप्रमाणे तुला ही भविष्यात बाळाला जन्म देता यावा यासाठीची शरीराची तयारी. त्यात नक्की काय 

होतं ते आता मी समजून सांगतो. 

 

वरील संवादाचे चित्रण आणि प्रत्येकी पेजचा दर दिलेल्या ईमेलवर 10 मार्च पर्यंत पाठवावेत.  

To: hr@janwani.org  

CC: vivekj@janwani.org, samajbandhindia@gmail.com